Habari Za Spoti

WAKENYA DIANA CHEPKEMOI NA MERCY CHEPNGENO WALIIPEPERUSHA VYEMA BENDERA YA KENYA BAADA YA KUTWAA MEDALI ZA DHAHABU NA FEDHA MTAWALIA KATIKA FAINALI YA MBIO ZA MITA ELFU TATU KURUKA VIUNZI KWENYE MASHINDANO YA AFRICA ATHLETICS CHAMPIONSHIP HUKO ACCRA GHANA.

KPL

KATIKA SOKA, TIMU YA TAIFA YA KENYA HARAMBEE STARS LEO JUMANNE MEI KUMI NA TISA MWAKA ELFU MBILI ISHIRINI NA SITA ITAFAHAMU WAPINZANI WAKE KATIKA MECHI ZA KUFUZU AFCON ELFU MBILI ISHIRINI NA SABA BAADA YA DROO KUFANYIKA MJINI CAIRO NCHINI MISRI.

SHIRIKISHO LA SOKA AFRIKA CAF LITAGAWA TIMU AROBAINI NA NANE KATIKA MAKUNDI KUMI NA MAWILI YENYE TIMU NNE NNE HUKU KENYA, UGANDA NA TANZANIA ZIKIJIANDAA KUWA WENYEJI WA MASHINDANO HAYO.

WAKATI HUO HUO, KOCHA BENNI MCCARTHY ANAENDELEA KUKINOA KIKOSI CHA HARAMBEE STARS KUELEKEA MECHI ZA KIRAFIKI ZA MWEZI JUNI KAMA SEHEMU YA MAANDALIZI YA MASHINDANO HAYO.

EPL

KATIKA LIGI KUU UINGEREZA, ARSENAL IMEKARIBIA KUTWAA UBINGWA BAADA YA KUICHAPA BURNLEY BAO MOJA KWA SIFURI KATIKA MECHI ILIYOCHEZWA UWANJA WA EMIRATES. BAO LA USHINDI LILIFUNGWA NA KAI HAVERTZ HUKU BURNLEY TAYARI IKISHUKA DARAJA.

NAYO BOURNEMOUTH LEO USIKU ITAVAANA NA MANCHESTER CITY KATIKA UWANJA WA VITALITY STADIUM KUANZIA SAA TATU NA NUSU USIKU KWA SAA ZA AFRIKA MASHARIKI. CITY WANAHITAJI USHINDI ILI KUPUNGUZA PENGO LAO DHIDI YA ARSENAL.

NA KATIKA TAARIFA NYINGINE, KOCHA PEP GUARDIOLA AMEAMUA KUONDOKA MANCHESTER CITY MWISHONI MWA MSIMU HUU NA HIVYO KUHITIMISHA KIPINDI CHA MAFANIKIO MAKUBWA NDANI YA KLABU HIYO. TAARIFA ZINAELEZA KUWA ENZO MARESCA NDIYE ANAYETARAJIWA KUCHUKUA NAFASI YAKE KAMA KOCHA MPYA WA CITY BAADA YA KUWAHI KUWA MSAIDIZI WA GUARDIOLA PALE MANCHESTER CITY.